Right now, I am just like an addicted person who needs his medication yet can't reach it, I am suffocating and can't take my breath, I just wanna see you may be this would make things better, but also I am not sure if this really what I want...However I am positive about one thing that right now you're my medication and the way out of this state...

بجد أنا في حياتي مقابلتش حد خلاني مش عارفة ارسى على بر زيك، هو انت إزاي كده وليه كده، ساعات تحسسني ان انت بتحس بحاجة ناحيتي ولما نتكلم وجهًا لوجه أنا مش أكتر من اخت صغيرة أو واحدة صاحبتك، مش دي حاجة تجنن وتخليني ابقى عاوزة اخنوقك، أنا مش عاوزة حاجة سوى اني افهم بس افهم عشان لو مفيش حاجة اتعامل عادي ولو في حاجة افهم ايه اخرتها... بجد نفسي أفهم

ساعات بنبقى فاكرين اننا لو شوفنا حد واحشنا اوي فترة قصيرة أو حتى كلمناه كلمتين ان ده هيهدي الحالة إللي احنا فيها، بس للأسف ده بيخلينا عاوزين نقضي وقت أكتر مع الشخص ده واننا منسبهوش خالص. دي بالظبط حالتي دلوقت، اني كنت حاسة اني هموت واكلم الشخص ده أو حتى اشوفه، بس لما كلمته مكنتش عاوزه المكالمة تخلص وكان نفسي نتكلم أكتر من كده، بس برضه الحمدلله لأن المكالمة جت في وقتها فعلا مع اني كنت عاوزاها تطول عن كده بس مش هبقى طماعة وأقول الحمد لله. بس برضه نفسي أقولك انت واحشتني جدًا جدًا فوق ما انت تتصور حتى ويارب اللي احنا فيه ده يخلص بقى ونرجع زي زمان...